Orphus tizimi

Тезкор хабарлар

Бир манзилга 55 та жўнатма?!! Оғирлиги 1 тоннадан ортиқ!

Бир манзилга 55 та жўнатма?!! Оғирлиги 1 тоннадан ортиқ!

Божхона ҳақидаги қонун ҳужжатларига риоя этилишини назорат қилиш ҳамда ушбу қонун ҳужжатлари бузилишининг олдини олиш, шундай ҳолатларни аниқлаш ва уларга чек қўйиш мақсадида республикамиз божхоначилари томонидан мунтазам чора-тадбирлар олиб борилмоқда.

Ўзбекистон Республикаси божхона чегараси орқали ҳаракатланаётган товарлар туркумига халқаро почта орқали юборилаётган жўнатмалар ҳам киради.

Шундай экан, почта жўнатмаларини самарали божхона назоратидан ўтказишга ҳам тизимда алоҳида эътибор қаратилади.

Чунки, амалдаги тартибларга риоя қилмасдан туриб, почта жўнатмалари орқали тижорат мақсади учун кўзланган товарларни божхона чегаралари орқали олиб ўтиш ҳолатлари учраб турибди.

Жумладан, Тошкент шаҳар божхона бошқармаси “Бошпочтампт” ташқи иқтисодий фаолият божхона пости ходимлари томонидан Туркиядан юборилган почта жўнатмаларидаги маълумотларни таҳлил қилиш давомида уларни шубҳалантирган жиҳат фош бўлди. Қаранг-ки, жами оғирлиги 
1120 кгдан ортиқ бўлган ушбу жўнатмалар 55 нафар фуқаролар номига юборилган бўлса-да, жўнатмалардаги манзил ва боғланиш учун телефон рақамлар айнан бир хил бўлиб чиқди.

Кўриниб турибди-ки, уларни қабул қилувчи аслида битта шахс бўлиб, божхона ходимларини чалғитиш мақсадида турли исм-шарифлардан фойдаланилган.

Шу тариқа қонунбузарлар почта жўнатмалари орқали қиймати 150 млн сўмлик 3 минг донага яқин турли хилдаги кийим кечакларни олиб киришга уринишган.

MVI_1401.MOV.Still002.jpg

Яна бир ҳолатда Тошкент шаҳар божхона бошқармасининг “Чуқурсой техник идора” чегара божхона пости ходимлари Республика транспорт прокуратураси ходимлари билан ҳамкорликда фуқаро М.Исматов (мақоладаги барча исм-шарифлар ўзгартирилган) номига Хитой давлатидан келган контейнерларни божхона кўригидан ўтказиш чоғида, юк кузатув ҳужжатларида кўрсатилган умумий қиймати 6690 АҚШ долларига тенг “Ишлаб чиқариш дастгоҳлари” билан бирга ҳужжатларда кўрсатилмаган 3500 дона косметика ва парфюмерия товарлари, 1650 дона чўғланма электрлампалар, 108 тонна ширинликлар ҳамда хўжалик товарлари борлиги маълум бўлди. Дастлабки маълумотларга асосан ушбу аниқланган товарларнинг нархи салкам 920 млн сўмни ташкил этар экан. Контейнерни божхона кўригидан ўтказиш вақтида аниқланган электр чўғланма лампочкаларининг қуввати 500 Вт. бўлиб, Вазирлар Маҳкамасининг “Энергияни тежайдиган лампалар маҳаллий ишлаб чиқарилишини кенгайтириш чора-тадбирлари тўғрисида” 2015 йил 20 октябрдаги 299-сон қарори талабларига биноан 2017 йилнинг 1 январидан бошлаб бу турдаги маҳсулотларни реализация қилиш тақиқланган.

Ҳозирда мазкур ҳолатлар юзасидан божхона текширувлари ва суриштирув жараёнлари давом эттирилмоқда.

Шу ўринда юртдошларимиздан божхона қоидабузарликлари ёки божхона ходимларининг ноқонуний хатти-ҳаракатлари юзасидан Тошкент шаҳар божхона бошқармасининг 120-76-71 - “Ишонч телефони” рақамига қўнғироқ қилишлари мумкинлигини эслатиб ўтамиз.

Тошкент шаҳар

божхона бошқармаси

Ахборот хизмати


11.01.2018 816

Тадбиркорлар ва ТИФ иштирокчилари
учун доимий ишонч телефони

(8 371) 120-76-33

ИШОНЧ ТЕЛЕФОНЛАРИ

ҲУДУДИЙ
БОШҚАРМАЛАР