Тадбиркорлар ва ТИФ
иштирокчилари учун доимий
ишонч телефони
11-08
Божхона органлари томонидан товарларнинг таснифланиши бўйича дастлабки қарорлар тўплами
1466

Ўзбекистон Республикаси Божхона кодексининг 374-моддасида (Дастлабки қарорларнинг ошкоралиги. Товарларни таснифлаш бўйича берилган дастлабки қарорларнинг реестрини юритиш), товарларни таснифлаш бўйича дастлабки қарорлар очиқ ахборот бўлиб, барча юридик ва жисмоний шахсларга уларнинг ёзма сўровларига кўра ҳеч бир чекловларсиз тақдим этилиши кераклиги (бундан тижорат сири ёки қонун билан қўриқланадиган бошқа сир бўлган ахборот мустасно), Ўзбекистон Республикаси Давлат божхона қўмитаси Товарларни таснифлаш бўйича берилган дастлабки қарорларнинг реестрини юритиши ва унинг даврий равишда эълон қилинишини таъминлаши қайд этилган.

Ушбу саҳифада сиз божхона органлари томонидан товарларнинг таснифланиши бўйича қабул қилинган дастлабки қарорлар реестри билан танишиб боришингиз мумкин.

 

т/р

ТИФ ТН код

Товар ҳақида маълумот

1.

3004 90 000 0

 

“Остеокинг” препарати чакана савдода сотишга мўлжалланган ҳолда флаконларга қадоқланган, маҳсулот эритма шаклига эга ва қадоғидаги миқдори 25 мл. Препарат қўллаш бўйича йўриқнома билан таъминланган. Флакондаги мавжуд 25 мл эритма таркибида осиё женьшени илдизи - 76 мг, санчи илдизи -114 мг, буёвчи сафлор - 57 мг, эвкоммия пўстлоғи- 114 мг, астрагал илдизи -151 мг, мандарин пўстлоғи -38 мг фаол моддалари (экстрактлари) ва ёрдамчи модда тозаланган сув мавжуд. Препаратнинг бир марталик дозаси 25 мл. бўлиб, унда мавжуд бўлган фаол моддалар “остеоартрит”, “остеопороз”, “сон суяги бошчасини ишемик некрози” да шикастланган суякларни даволаш ёки профилактикаси учун етарли миқдорда.

2.

8471 30 000 0

“ACODE А402 моделдаги маълумотларни йиғиш терминали” 1,3ГГц MediaTek VN6582 тўрт ядроли процессор, сканер, 1 Гб оператив хотира ва 4 Гб флеш картадаги хотира, WSDMA/3G+/4GLTE алоқа функцияси, Wi-Fi, GPS, Bluetooth 4.0 LE, RFID, 4 дюмли экран, камера ва 3200 мАч батарейка билан таъминланган, ихчам, кўтариб юриш учун қулай бўлган штрих кодларни ўқиш имкони мавжуд бўлган, клавиатура ва суюқ шишали дисплейдан ташкил топган мобил компьютер ҳисобланади. У материаллар, тўпламлар, товарлар тўғрисидаги маълумотларни WSDMA/3G+/4GLTE алоқа функцияси орқали интернет тармоғидан фойдаланган ҳолда маълумотлар сақловчи серверга (ёки компьютерга) узатади.

27.02.2018

Эшитиш учун матнни белгиланг ва ушбу тугмани босинг