Тадбиркорлар ва ТИФ
иштирокчилари учун доимий
ишонч телефони
11-08
Навоийда пиротехниканинг ноқонуний олди-сотдисига чек қўйилди
79
Юртимизга янги йил айёми яқинлашгани сари айрим уддабурон шахслар томонидан пиротехника воситаларини ноқонуний равишда сақлаш, ташиш ва сотиш билан боғлиқ ҳолатлар кўпаяди.
Навоийда пиротехниканинг ноқонуний олди-сотдисига чек қўйилди

Айнан шу каби ҳолат божхона органлари ва бошқа ҳуқуқни муҳофаза қилувчи органлар билан Навоий шаҳрида ўтказилган навбатдаги тезкор тадбир давомида фош этилди. Тадбир давомида фуқаро Т.Б томонидан шартли харидорга жами 12 000 дона пиротехника воситаларини сотаётган вақтида тадбир иштирокчилари томонидан қўлга олинди.

Қайд этиб ўтиш лозимки, маъмурий жавобгарлик тўғрисидаги кодекснинг 1851-моддаси билан пиротехника буюмларини қонунга хилоф равишда ишлаб чиқариш, тайёрлаш, сақлаш, ташиш, жўнатиш, улардан фойдаланиш, худди шунингдек уларни қонунга хилоф равишда Ўзбекистон Республикасига олиб кирганлик ёки ўтказганлик учун маъмурий жавобгарлик белгиланган бўлиб, ҳуқуқбузарлик ашёларини мусодара қилиб, энг кам иш ҳақининг йигирма бараваригача миқдорда жарима солишга сабаб бўлади.

Шунингдек, Жиноят кодексининг 2501-моддада (Пиротехника буюмларининг қонунга хилоф муомаласи) пиротехника буюмларини қонунга хилоф равишда ишлаб чиқариш, тайёрлаш, сақлаш, ташиш, жўнатиш, улардан фойдаланиш, худди шунингдек уларни қонунга хилоф равишда Ўзбекистон Республикасига олиб кириш (Ўзбекистон Республикасидан олиб чиқиш) ёки ўтказиш анча миқдорда ёхуд шундай ҳаракатлар учун маъмурий жазо қўлланилганидан кейин содир этганлик учун жиноий жавобгарлик белгиланган.

Ҳозирда мазкур ҳолат юзасидан божхона органлари томонидан суриштирув ишлари олиб борилмоқда.

2.12.2019

Эшитиш учун матнни белгиланг ва ушбу тугмани босинг